"Жыл мұғалімі-2022" байқауы
«Шырын орта мектебі мектепке дейінгі шағын орталығымен» к м м 21.02-26.02 күндері аралығында «шығармашылықпен жұмыс істейтін,талантты,ой өрісі биік, өзіндік авторлық жаңашыл идеясы бар,ғылыми-әдістемелік шеберлігі зор, педагогикалық мәдениеті жоғары,жан-жақты дамыған мұғалім мәртебесін көтеретін ерекше тұлғаны анықтау және озық педагогикалық іс-тәжірибелерді насихаттау» мақсатында мектепішілік «Жыл мұғалімі-2022ж» байқауы өткізілді.Байқау екі кезеңнен болды.Байқауға әр пән бірлестігінен бір мұғалім қатысты.Байқау барысында мұғалімдер өз шеберлігін, озық іс-тәжірибесін көрсетті. Соңында әділ қазылардың шешімімен математика пәнінің мұғалімі Наргиза Валиева бас жүлдеге ие болса, бірінші орынға ағылшын тілі пәні мұғалімі Жанарям Исламова,екінші орынға өзін-өзі тану пәні мұғалімі Рошангуль Молотова мен тарих пәні мұғалімі Азиз Джаламовтар ие болып,мектеп директорының мадақтамаларымен марапатталды. Ал бас жүлде иесі Н.Валиева аудандық кезеңге ұсынылды.
